ДТМ энди йўқ!

Давлат тест маркази номи ўзгарди, энди у — Билимни баҳолаш агентлиги. Шу муносабат билан ташкилотга тўлиқ ребрендинг ўтказдик.

Логотипни ишлаб чиқишда жавоблар варақасини тўлдириш жараёнидан илҳомланиб, Билимни баҳолаш агентлиги бош харфларини акс эттирдик.

Шу билан бирга, барча жабҳаларда ишлатишга осон, мослаша оладиган уникал паттерн ишлаб чиқдик ҳамда логотип ишлатиш бўйича қоидалар жамланмаси бўлмиш брендбук (https://minim.uz/ru/portfolios/bba-ru/) тақдим этдик.

Хуллас, бизга қўйилган вазифани муваффақиятли якунлаб, имтиҳонгача улгурдик.

Логотипни лойиҳалаш жараёни пухта ўйланган ва номнинг ўзи ва бренд жойлашувига асосланган. Фарзона араб ва форс маданиятларида чуқур илдизларга эга бўлиб, аёллик аҳамияти ва нафислиги билан суғорилган исмдир. Айнан шу илҳом логотипнинг яратилишига сабаб бўлди. Биз араб хаттотлиги билан моҳирлик билан стилизе қилинган логотип яратдик. Ушбу бадиий танлов бизга бренд номининг (фа) биринчи бўғинини логотипга киритиш имконини берди. Биз дизайнга ажойиб заргарлик маржонининг тасвирини ҳам киритдик. Бу нафақат гўзаллик рамзи, балки Фарзона бренди олиб бораётган йўналишдан ҳам хабар беради. Шундай қилиб, бизнинг логотипимиз тарих, маданий илдизлар ва нафисликнинг синтезига айланди, бу бренднинг ўзига хос хабари ва жойлашувини акс эттиради.

Vitor — биологик фаол қўшимчалар ишлаб чиқарувчи ва уларнинг сотуви билан шуғулланувчи корхона.

Маълумки, БФҚлар табиий маҳсулотлардан ҳосил қилинади. Шу боис логотипда табиийлик мавзусини ифодалаш муҳим эди. Бунинг учун биз қушча образидан фойдаландик. Унинг қанотини эса барг шаклида тасвирладик. Ранг танлашда албатта табиат рамзи бўлмиш яшил рангга урғу қаратдик.

Бу билан Vitor компанияси ўз истеъмолчиларига табиий БФҚ орқали энергия олинг, қушдек енгил бўлинг деган ғояни илгари сурмоқда.

Заргарлик буюмлари дўкони учун логотип

Навбатдаги ишимиз — заргарлик буюмлари савдоси билан шуғулланувчи Monand бренди учун оригинал логотип.

Бу йўналиш нафислик ва нозикликни талаб қилгани боис логотип ҳам шу хусусиятларни ўзида жамлаши керак эди. Буни амалга ошириш учун биз албатта бурамали ва майин шрифт билан бренд номини акс эттирдик. Дўконда энг талабгир маҳсулот узук бўлгани учун "О" ҳарфини узук кўринишида тасвирладик. Бу билан бренд йўланишини очиб бердик.

Тушлик бўлдими? Лаббай?

Таом етказиш хизматига нейминг ва логотип ишлаб чиқдик.

Унга Labbay деб ном беришимизга сабаб — бўлажак брендга миллий руҳ киритиш ва мижознинг буюртмасига дарҳол тайёрлигимизни сингдириш. “Лаббай” дея жавоб берилса, бу кимга ёқмайди? Бизнинг юртда қадимдан чойхона-ю ошхоналарда дастёрлар “Лаббай” дея югуриб-елиб мижозларга хизмат кўрсатишган. “Лаббай” деганда бу хитоб инсонга бренднинг позицияси ва оҳанги (ToV)ни ифодалайди.

Дизайн: Таом етказиб бериш хизматида муҳими — тезкорлик. Қанча тез етказиб берилса, таом шунчалик иссиқлигини, илк қозондан олингандаги иштаҳани қитиқловчи хушбўйлигини сақлаб қолади. Логотипда ҳам қўлида таом билан мижоз томон югураётган одам образи тасвирланган. Бу ўз-ўзидан логотипни кўрган одамда, айниқса, чегараланган тушлик вақтида шу ошхонага буюртма бериб кўриш истагини пайдо қилади.

Бундан ташқари, L ҳарфи “лаббай” сўзининг бош ҳарфи ўлароқ бренд айдентикаси сифатида ажратиб олинган. Одам образи ҳам L ҳарфи ва бошқа қўшимчалар ёрдамида ифодаланган.

Яна бир жиҳати, логотипда сариқ ёки қизил ранглардан фойдаланилди. Бу ранглар инсоннинг иштаҳасини ва кайфиятини очади.

Автомобиллар салони учун логотип

Автомобиль савдоси билан шуғулланувчи компаниянинг номи жарангдор, логотипи эса жиддий ва бир вақтнинг ўзида савлатли бўлиши муҳим.

Биз тақдим этган Revus номи француз тилида "ўқиб ўрганилган", "қайта ўрганилган" деган маъноларни англатади, бу бренднинг маҳаллий муҳит, менталитет, бозор, рақобатчилар, аҳоли талаб ва эҳтиёжларини ўрганиб, шунга яраша таклиф бераётганига ишора қилади.

Шундан келиб чиқиб, биз логотипда очилган китоб кўринишини акс эттирдик, унинг ичига эса махсус шрифт билан бренд номини туширдик.

Кўриб турганингиздек, бундай логотип барча ташувчиларда ажойиб кўринишга эга бўлади, ҳатто автомобиль рақами ўрнига ҳам қолипдай мос тушади.

Азия зираворлари қисқартмасидан олинган Аззир номи учун логотип тайёрладик.
Логотипда Анис лағмон учун ишлатиладиган зиравор ҳамда қалампирни бирлашмасидан ташкил топган.

Avitus = Авиценна + витамин + us(биз учун)
Авитус номи қисқа бўлганли сабабли осон эсда қолади, жарангдор, сохага мос, фалсафасига эга. Ёзилиши бўйича ўқилади. Логотипнинг иконкасида А харфини асос килиб олдик ҳамда унда Ибн Сино бобомиз сиймоларидан, табиийлик ва табобатни ифодаловчи барглардан фойдаландик.

Маиший электротехника мосламалари ишлаб чиқарувчиси учун логотип

Бу сафар бизга мижоз томонидан матн кўринишидаги янгича логотип ишлаб чиқиш вазифаси юклатилди.

Компания ассортиментида аксарият маҳсулотлар электр токи билан боғлиқ мосламалар бўлишини инобатга олиб, айни шу мавзуда ўрганишлар олиб бордик. Натижада ток асосан доимий ва ўзгарувчан бўлишини, ўзгарувчан ток тильда (~) белгиси билан ифодаланишини аниқладик.

Логотипда айни шу белгидан илҳомланиб, ёзувдаги A ҳарфини ўзгарувчан ток белгиси билан бойитдик.

Натижада содда, осон эсда қоларли ва мазмунли логотип ҳосил бўлди.

Аджика Лозижон аччиқ соуслар ишлаб чиқарувчи корхона учун ном ва логотип қилдик, Аччиқ нарсаларни эхтравертлар яҳши куришар экан, целевой аудиториямиз аниқланди. Шундан келиб чиқиб, экстравертлар кўпроқ саргузашт янги дўстлар орттириш, суҳбат қуриш, дустлар билан ўтириш, рискларни севувчи инсонлар ҳисобланишади.

Уларни, тогда, овда дам олишини тассавур қилиб олов яъни Gulkhan номини танладик, kitchen бу ошхона дегани.
Gulkhan осон ёдлаб қолса булади, ишлаб чиқариладиган маҳсулотлар фалсафасига тушади, аччиқ билан туғри пропорсионал, энг асосийси бренд учун original ном. Логотип ҳам шу фалсафадан келиб чиқиб олов тимсолида тасвирланди.

Капитальная реставрация, восстановление интерьера и экстерьера, перетяжка салона. Удаление вмятин и царапин, покраска и нанокерамическое покрытие, чип-тюнинг

Турли хил ҳушбўй зираворлар савдоси билан шуғулланувчи тадбиркоримиз учун Масаллиқ брендига асос солинди. Зираворлар таомни мазали қилувчи энг муҳим масаллиқлардан биридир. Шунинг учун унга бу ном берилди. Логотипда таомга оҳистагина солинаётган зираворлар тасвирланган. Натижада тушунарли ва эстетик логотип яратилди.

Самарқанд чой ишлаб чиқарувчилар учун, ном ва логотип қилинди.
Номда Самарқанддаги Шердор мадрасасидаги Арслондан илхомланиб. Аслан деб номладик ва унга мос равишда логотип чизилди.

Логотип

Навбатдаги мижозимиз — чарм буюмларидан аксессуарлар, корпоратив совғалар ишлаб чиқарувчи, полиграфия хизматларини тақдим этувчи корхона. Бу корхонанинг логотипи содда ва кўпсонли рақобатчилар орасида эсда қоларли бўлиши муҳим.

Бунинг учун биз логотипга бренд номининг биринчи ҳарфини асос қилиб олдик. А ҳарфини иккита чарм тасма ёрдамида ҳосил қилдик. Бунда иккита асосий ранг уйғунлигидан фойдаландик — қизил ва тўқ феруза ранг.

Логотип турли ҳолатларда қандай намоён бўлишини кўрсатиш учун мижозга ташувчилар (носители) — чарм сумка, бейджик, пакет, баннер, футболка, кружка, флешка каби визуал образларни тақдим этдик.

Логотип ясаш — компания брендингидаги муҳим жараён, шу боис уни тадқиқот ва ўрганишлар асосида амалга ошириш талаб қилинади.

Электроника жиҳозлари савдоси билан шуғулланувчи Sigma компанияси учун логотип тайёрлашда ҳам ишни ўрганишдан бошладик. Натижада логотипни номга асосланиб ишлашга қарор қилдик.

Sigma юнон алифбосидаги 18-ҳарф бўлиб, алгебра, физика, кимё, квант физикаси каби бир қанча йўналишларда ишлатилади. Математикада йиғинди маъносини ифодалайди. Excel дастурида ишлаганлар Σ белгисини яхши танийди.

Биз бу белгини матнли турдаги логотипда моҳироналик билан ишлата олдик: у Σ кўринишида ифодаланишини ҳисобга олиб, 90 градусга айлантириб, M ҳарфига айлантирдик ва фондаги 3D шакл ёрдамида йиғинди тасвирини кўрсатишга ҳаракат қилдик.

Сотувларни самарали амалга ошириш кўп жиҳатдан тўғри йўлга қўйилган дистрибуция билан боғлиқ. Чунки, айнан тўғри тузилган дистрибуция сабаб, охир-оқибат, маҳсулот керакли жойда, керакли вақтда ва мақбул нархда ўз харидорини топа олади. Мижозимиз Дилшод Собиров ҳам ушбу соҳада Қашқадарё вилояти бўйича фаолият юритиб келаётган, озиқ-овқат ва маиший кимёвий маҳсулотлар дистрибьютори ҳисобланади.

Вазифа: дистрибьюторлик компанияси учун нейминг ва логотип ишлаб чиқиш.
Компаниянинг қадрияти ишончга қурилган хамкорлик бўлиб, бренд номида ҳам шу нарса ўз аксини топиши керак эди. Ном топиш қоидалари асосида ҳамда компаниянинг қадрияти ва фаолиятидан келиб чиқиб нейминг танладик. Нейминг учун италяча “credere” яъни қатъий ишонмоқ сўзини асос қилиб олдик. Янада жарангли эшитилиши учун қўшимчадан фойдаландик. Натижада “CREDO” сўзи пайдо бўлди. Аввалги номи "Abubakr Diller Product"

Кейинги босқичда бренд учун логотип ишлаб чиқдик. Бунда минимализм стилидан фойдаландик. Логотипда бренд идентлиги қилиб C ва R харфларини ўзаро кесишган холатда тасвирладик. Бу бир томондан бренд номини эслатади, иккинчи томондан ўзаро хамкорликнинг, юқоридан қараганда қўл бериб кўришиш тасвирини билдирувчи контактни хам ифодалайди.

Логотип ишлаб чиқишда ҳар доимгидек ишни ўрганишлар, тадқиқотлар, таҳлиллардан бошладик. Тиббиёт маркази номи Sirius бўлгани сабабини аниқладик.

Sirius — бу бизга кўриниб турувчи юлдузлар ичида энг ёрқини ҳисобланади. Бу юлдуз қадимдан кўплаб халқлар учун эзгулик тимсоли бўлиб келган. Шифо излаб келган инсонлар учун эса Sirius тиббиёт маркази нажот рамзи бўлиб хизмат қилади. Шу боис бизда логотип учун биринчи таклифимиз юлдуз шаклини ифодалаш бўлди.

Юлдуз белгиси биз учун нотаниш эмас:
— давлатимиз рамзлари бўлмиш байроқ ва гербимизда ҳам юлдузлар акс этган;
— Леонардо да Винчининг идеал инсон пропорцияси тасвирланган асарида юлдуз шаклига ишора бор. Соғлом инсон ғояси тиббиёт маркази учун айни мос келади;
— юлдузнинг беш қирраси тиббиёт марказининг бешта асосий мақсадини ифодалайди:
1. Юқори малака ва тажриба
2. Замонавий ускуна ва технологиялар
3. Хизматларнинг ҳаммабоплиги
4. Индивидуал ёндашув
5. Инновацион услублар

Логотип оддийгина юлдуз шаклидан иборат бўлмаслиги учун биз уни яна тиббиёт мавзуси билан бойитдик. Бунда АҚШ ва кўплаб Европа мамлакатларида "Ҳаёт юлдузи" деб номланувчи тезкор тиббий ёрдам белгисидан илҳомландик.

Натижада бир қарашдан оддий, аммо ўзида кўплаб ғояларни мужассам этган логотип ҳосил бўлди. Лайкларни аямаймиз!

Fatimah — бу аёллар учун кенг қамровли соғломлаштириш маркази. Марказда аёллар ҳам жисмонан, ҳам руҳан ҳордиқ чиқаришлари, саломатликларини тиклашлари ва ўзларига бўлган ишончни оширишлари мумкин.

Мижоз бизнинг олдимизга қўйган вазифасига кўра, логотип:
— шарқона образда аёлларга ҳоз бўлган нозик жиҳатларни ўз ичига олиши;
— бир кўрганда содда, тушунарли ўқилиши;
— ва маҳсулотни ифодалаши керак эди.

Биз шу талабларга кўра марказ учун оригинал логотип тайёрлаб бердик. Логотип марказ йўналишига мос равишда нафис ва шарқона услубда ишланди: унинг биринчи F ҳарфи аёллик ҳаёси, нафосатини акс эттирувчи аёл тасвири билан ифодаланди. Бу логотипда сокин, хотиржам ва соғлом аёл қиёфасини ҳам кўришимиз мумкин.

Шарқоналик, миллийлик ва анъаналарга урғу қаратиш мақсадида логотипга ўранган аёл образини тушириш ғояси ҳам бор эди бизда. Аммо марказ аудиторияси қамровини чеклаб қўймаслик учун аёл образини абстракт усулда ишладик.

Типографикада юмшоқ, кескин бурчаклари бўлмаган шрифтга урғу қаратдик. Ранг танлашда эса нафис, бинафшаранг райҳондан илҳомландик, қўшимча равишда майин пастель рангларидан фойдаландик.

Сизга ҳам шундай бетакрор логотип керак бўлса, бизга мурожаат қилинг.

Тухум савдоси билан шуғулланувчи корхона учун логотип ва қадоқ дизайнига баҳо беринг.

Буюртмачи — Vodiy organics.

Логотип содда ва бир вақтнинг ўзида корхона фаолиятини намоён қиладиган бўлиши керак эди. Шу боис биз корхона номини логотип учун асос қилиб олиб, унинг биринчи ҳарфига диққатимизни қаратдик.

V ҳарфининг илмоғига озгина ишлов бердик, унинг очиқ жойига тухум жойлаштирдик. Натижада яхлит товуқ шакли пайдо бўлди. Бошқа тарафдан, V ҳарфининг ичида қовурилган тухум тасвири ҳам акс этмоқда.

Қадоқ дизайнини бойитиш учун товуқ иллюстрацияси, қишлоқ хўжалиги муҳитини очиб берувчи тасвирларни жойлаштирдик.

Якунда оддийгина, тушунарли ва жозибадор тухум маҳсулоти қадоғи ҳосил бўлди.

Мактаб, болалар боғчаси каби турли идора ва ташкилотларни озиқ-овқат маҳсулотлари билан таъминловчи Mega Food корхонаси учун логотип концепцияси ишлаб чиқилди.

Логотип оддий ва тушунарли усулда ишланди: унда турфа хил озиқ-овқат маҳсулотлари 2D шаклда акс эттирилди. Бундай логотип корхона фаолияти ҳақида аниқ тасаввур уйғотади ва эслаб қолиш эҳтимолини оширади, ундан ҳатто паттерн сифатида фойдаланиш ҳам мумкин.

Логотипни яхшироқ намойиш қилиш учун унинг турли жойлардаги кўринишларини кўрсатиб ўтдик.